Kapag gumagamit ka ng aircon araw-araw, hindi maiiwasang magkakaroon ito ng dumi, alikabok, at bacteria. Kaya naman, mahalaga ang regular maintenance para mapanatili itong efficient at malinis.
Pero kailan nga ba sapat ang regular cleaning, at kailan naman dapat isagawa ang deep cleaning o tinatawag na pull-down? Alamin natin!
Ang regular cleaning ay ang karaniwang paglilinis ng aircon na ginagawa upang matanggal ang basic na alikabok at dumi na naipon sa mga pangunahing bahagi tulad ng:
Filter: Nililinis o hinuhugasan ang filter para maalis ang naipong alikabok.
Evaporator Coils: Binubugahan ng tubig ang coils para matanggal ang dumi.
Indoor & Outdoor: Nililinis ang Exterior Indoor at Outdoor ng unit upang maging presentable.
Kailan ito ginagawa? Inirerekomenda ang regular cleaning kada 3-4 buwan, depende sa paggamit. Ito ang pinakamabilis at pinakakaraniwang paraan para mapanatiling gumagana nang maayos ang aircon.
Ano ang Deep Cleaning o Pull-Down?
Ang deep cleaning o pull-down ay masinsinang proseso ng paglilinis. Dito, dinidismantle o binabaklas ang buong unit upang maabot at malinis ang mga hard-to-reach na bahagi ng aircon tulad ng:
Blower: Naipon dito ang molds at bacteria na nagdudulot ng amoy.
Drain Pan at Pipes: Tinatanggal ang bara at dumi na posibleng sanhi ng pagtagas ng tubig.
Condenser Coils: Nililinis nang masinsinan gamit ang pressure washer para tanggalin ang matitigas na dumi at grasa.
Kailan ito ginagawa? Inirerekomenda ang deep cleaning kada 6 buwan o kapag may mga sumusunod na senyales:
Ang regular cleaning ay preventive maintenance na nakakatulong para hindi agad masira ang aircon.
Ang deep cleaning, sa kabilang banda, ay para sa mga mas malalalim na problema na hindi kayang solusyonan ng simpleng paglilinis.
Konklusyon
Ang regular cleaning at deep cleaning ay parehong mahalaga sa pagpapahaba ng buhay ng iyong aircon at sa pag-iwas sa mahal na repair. Kaya’t alamin kung kailan dapat gawin ang bawat isa at huwag nang ipagpaliban ang maintenance.
