Excited ka bang magdagdag ng bagong gamit sa bahay pero medyo kapos sa budget? Kung nag-iisip kang bumili ng second-hand na aircon pero hindi ka pa sigurado, nandito kami para gabayan ka! Narito ang ilang pros at cons ng pagbili ng used na aircon para makatulong sa iyong desisyon.
1. Mas mura kumpara sa brand new. Syempre, mas mababa ang presyo ng second-hand na aircon kumpara sa bagong unit. Para sa mga may tight na budget, tulad ng mga bagong kasal o nagsisimula pa lang sa buhay, magandang option ito. Minsan, malaki ang matitipid mo lalo na kung makakahanap ka ng seller na nagmamadaling ibenta ang gamit niya. Pwedeng maghanap sa social media o mga online sites.
2. Maganda para sa short-term na paggamit. Kung pansamantala mo lang kailangan ng aircon – halimbawa, kung nagrerenta ka at lilipat din agad, o gusto mo lang gawing mas malamig ang dorm room mo sa kolehiyo – swak ang second-hand na aircon. Hindi mo na kailangang gumastos ng malaki para sa temporary na gamit.
Cons ng Pagbili ng Used na Aircon
1. Limitado o walang warranty. Kadalasan, tapos na o malapit nang matapos ang warranty ng second-hand na aircon. Posible rin na hindi lahat ng sira ay sakop ng warranty, lalo na kung luma na ang unit. Para makaiwas sa sakit ng ulo, mas mabuting bumili sa mga kilalang dealers ng used appliances kaysa sa random na tao online. Mas mahal ng kaunti, pero tiyak na na-check na ng technician ang unit bago ibenta.
2. Hindi laging maganda tingnan. Para sa iba, hindi malaking isyu ito, pero para sa ilan, ayaw nilang makasira ng aesthetic ng kwarto. Karaniwan, ang mga second-hand na aircon ay may gasgas, dent, o kupas na kulay. Kung mahalaga sayo ang itsura, mas mabuting bumili na lang ng bago.
3. Mahirap hanapan ng spare parts. Isa sa mga problema sa pagbili ng lumang appliances ay ang paghahanap ng spare parts. Kung luma na ang model, maaaring mahirap na itong hanapan ng pyesa. Bago bumili, siguraduhing mag-research kung available pa ang parts nito para hindi ka mahirapan sa pag-aayos.
4. Mas mataas ang maintenance cost. Dahil luma na, mas madalas na kailangan ng second-hand na aircon ang maintenance. Para makaiwas sa madalas na pagpaayos, humanap ng unit na malapit pa sa brand new ang kondisyon. Mas mahal ito pero mas sulit kaysa sa gastos ng palaging pagpapaayos.
5. May dagdag na gastos sa installation. Hindi tulad ng bagong units na may libreng installation, kadalasan ay kailangan mong magbayad ng technician para sa second-hand na aircon. Pero hindi ito malaking problema dahil maraming abot-kayang installation services online.
Konklusyon
Mahalagang desisyon ang pagbili ng aircon, bagong unit man o second-hand. Depende ito sa budget at kung gaano mo ito kailangan. Kung pwede pang ipagpaliban, baka mas mabuting mag-ipon na lang at bumili ng bagong unit. Sulitin ang pera mo sa pagpili ng efficient na aircon mula sa mga Best Aircon Brands in the Philippines.
