Alam mo ba na kahit bukas na ang aircon mo, minsan parang ang bigat pa rin ng hangin? Kung ganito ang nararamdaman mo, baka hindi problema ang init kundi ang humidity! Kaya naman narito kami para magbigay ng tips tungkol sa Dry Mode ng aircon mo at kung kailan mo ito dapat gamitin.
Karaniwan, gumagana ang aircon sa pamamagitan ng pagpasok ng mainit na hangin. Dumadaan ito sa malamig na coils para ma-condense ang moisture, pagkatapos ay iniihip ang malamig na hangin pabalik sa kwarto mo. Pero ang pangunahing goal ng aircon ay palamigin ang kwarto – hindi alisin ang lahat ng moisture sa hangin.
Dito pumapasok ang Dry Mode! Kapag naka-Dry Mode, inuuna ng aircon ang pagtanggal ng moisture sa hangin kaysa pagpapalamig. Gumagamit ito ng mas mabagal na fan speed kumpara sa regular cooling. Dahil dito, mas matagal ang hangin na dumadaan sa malamig na coils, na nagreresulta sa mas maraming moisture na natatanggal.
Kapag ginamit mo ang setting na ito, mapipigilan ang pag-usbong ng amag at mababawasan ang lagkit ng hangin. Mas magiging komportable ka, lalo na sa klima ng Pilipinas na kilala sa mataas na humidity. Isa pa, energy-efficient din ang Dry Mode. Dahil hindi sobrang nagtatrabaho ang compressor, makakatipid ka sa kuryente!
Kailan Mo Dapat Gamitin ang Dry Mode ng Aircon?
Halos lahat ng modernong aircon ay may Dry Mode na makikita mo sa remote control o control panel. Pero kailan nga ba ito dapat gamitin? Narito ang ilang sitwasyon kung kailan perfect gamitin ang setting na ito:
Kapag malagkit ang pakiramdam kahit hindi naman sobrang init sa labas
Tuwing tag-ulan kung saan mataas ang humidity
Kapag kailangang patuyuin ang damit sa loob ng kwarto
Kung nahihirapang huminga, lalo na kung may allergies o respiratory issues
Kung hindi ka sigurado kung paano i-activate ang Dry Mode, tingnan ang manual ng aircon mo para sa tamang instructions.
Paano Kung Walang Dry Mode ang Aircon Ko?
Walang problema kung walang Dry Mode ang aircon mo! Puwede mong babaan ang temperature setting para makapag-condense ng mas maraming moisture. Isa pang option ay itaas ang fan speed para mas mabilis na umikot ang hangin sa kwarto.
Sa mga araw na sobrang humid, magandang ideya rin na mag-invest sa dehumidifier. At kung pakiramdam mo na hindi na kaya ng aircon mo ang sobrang lagkit ng hangin, baka panahon na para ipa-check ito sa professional.
Para siguruhing maayos at laging nasa top condition ang aircon mo, subukan angCoolvid Annual Care Plan. Sa planong ito, regular naming iche-check at lilinisin ang unit mo para iwas sira at laging malakas ang buga ng malamig na hangin. Bukod dito, nakakatipid ka sa long-term dahil mas efficient ang aircon mo at mas matagal ang lifespan nito. Magpa-book na ng aircon technician at simulan ang Coolvid Annual Care Plan para laging komportable ang bahay mo!
