So nagpa-dismantle ka ng aircon — baka nagpalit ka ng bahay, nag-renovate, o nagpaayos ng unit. Now, gusto mong ipa-reinstall, at iniisip mo: “Sayang naman ‘yung luma kong tubo… pwede ko pa ba itong gamitin ulit?”
Short answer: Pwede, pero depende. Hindi lahat ng lumang tubo puwedeng i-reuse — and in some cases, mas delikado pa nga kung pilitin.
‘Yung copper tubing or refrigerant line set ang nagdadala ng Freon (refrigerant) mula sa indoor papunta sa outdoor unit — and vice versa. Kaya super importante na walang bara, leak, or damage ang tubo.
Kapag compromised ‘yan, apektado ang lamig, performance, at lifespan ng buong unit.
Kailan Pwede i-Reuse ang Lumang Tubo?
✅ Kapag tama pa ang length at size para sa bagong install location ✅ Walang bends, cracks, or signs ng leak ✅ Na-flush at na-pressure test properly ng technician ✅ Hindi pa kalawangin o marupok ang copper
Kapag pasado sa criteria na ‘to, yes, puwedeng i-reuse. But remember, dapat ito ay assessed mismo ng certified technician.
Kailan HINDI Dapat I-reuse ang Lumang Tubo?
🔻 May signs ng corrosion o kalawang 🔻 May bends, gas leak history, o tinapalan na dati 🔻 Mali ang diameter ng tubo for your new aircon model 🔻 Lumang-luma na at brittle na ang copper
Kapag pinilit pa rin kahit may defect, pwedeng mag-leak ulit ang Freon, bumaba ang performance ng aircon, at masayang ang gastos mo.
Kung gusto mong makatipid pero safe pa rin, kausapin ang technician mo kung pwede ang partial replacement lang ng tubing — halimbawa, yung exposed parts lang ang palitan. But again, case-to-case basis ito.
Final Verdict: Gamitin ulit ang lumang tubo?
✔️ Pwede kung nasa maayos na kondisyon at pasado sa safety check. ❌ Huwag na kung may leak history o luma na talaga — baka mas mapamahal ka sa dulo.
